أول هاكاثون في مصر لمكافحة التحرش الجنسي

الهاكاثون هو حدث بنحول فيه الافكار لحلول عملية للمشكلة. بيشترك فالحدث فرق من المبرمجين والمصممين والناشطين وبمساعدة الخبراء بيصمموا الحل ويبنوه. الحدث هيبتدي يوم الجمعة ٧ أغسطس ٢٠٢٠ وأحسن تلات فرق هيتم اختيارهم هيتنافسوا على فرصة لتنفيذ وتمويل ونشر حلهم.

ساهم بخبرتك

لو عندك خبره في مجال زي القانون، التكنولوجيا، علم النفس، علم الاجتماع او اي مجال ثاني، تقدر تساهم بوقتك و تفيد المشاركين عن طريق توجيههم الى اللي ممكن يطبق و اللي لا .

احكيلنا قصتك

كل واحده فينا عدت بقصة علمت معاها من اصغر لاكبر حدث، يمكن ساعتها فكرنا لو كان فيه حاجة معينة تساعدنا كان الوضع هيبقي احسن. حابين انك تحكي لفريق حماية و المشاركين عنها عشان تساعدنا في ابتكار الحلول، و اي حاجه هتكتب هنشاركها بسرية.

شارك في الهاكاثون

لو مهتم بالقضية و تقدر تكون فريق من ٢+ منهم مبرمج، تقدر تقدم وتشارك و مفيش حد أدنى للسن و لا للدراسة اهم حاجه تكون القضية محركاك و مستعد تشارك بوقتك وجهدك ال٣ ايام دول وما بعدهما لتطبيق الفكرة.

شكر خاص

فروع الهاكثاون

احنا شايفين إن مشكلة التحرش ممكن تتعالج من ثلاث زوايا مختلفة ، و التركيز على فرع واحد هيوصل لحل أعمق يخدم احتياجات الضحايا. اختار الفرع الاهم بالنسبالك وانضم لينا علشان نخلق تغير حقيقي.

العلاج

الفرع ده بيركز على الضحية بعد الحادث. الحلول في الفرع ده بتركز على تزويد الضحية بالموارد القانونية والنفسية والاجتماعية إلي تسمحلها تتخطى الصدمة.

الحدث

الوقت إلي بتتعرض فيه للتحرش سواء فالشارع أو على صفحات التواصل الإجتماعي. الحلول فالفرع ده بتركز على تقوية الضحية وطلب المساعدة السريع.

الوقاية

الفرع ده بيركز على المشكلة قبل حدوثها. الحلول في الفرع ده بتركز على نشر الوعي وبناء مجتمع آمن ومتعلم وعلى تمكين المجتمع وزيادة الثقة بين افراده.